BIO

Foto: Sabela Eiriz

Anxos Fazáns nace en Pontevedra en 1992. Estuda Comunicación Audiovisual na Uvigo e un Máster de Dirección de Cine na ESCAC. Durante a súa formación desenvolve a webserie “Fame” gañadora do Premio a mellor webserie en lingua galega no Festival de Contidos Dixitais Carballo Interplay 2015 e finalista de los Premios Mestre Mateo. Tamén forman parte do seu proceso de aprendizaxe as curtas “Direcciones” e “Nacer en Septiembre”, seleccionadas no Festival de Cans.

A partir da súa curtametraxe “Area” comeza a súa andaina profesional e o seu interese polo formato analóxico. Con esta peza logra seleccións en varios festivais internacionais entre os que destaca Zinebi (Bilbao).

“A Estación Violenta” é a súa primeira longametraxe. Trátase dunha adaptación da novela homónima de Manuel Jabois producida por Matriuska e protagonizada por Alberto Rolán, Nerea Barros, Xose Barato e Antonio Durán Morris. Esta película viaxa por Festivais Internacionais entre os que destacan o BAFICI en Bos Aires e o Festival de Cine Europeo de Sevilla. Ademais a película foi estreada comercialmente e continúa a súa distribución por filmotecas e cineclubes de todo o estado.

Compaxina o seu traballo como creadora co de axudante de dirección, auxiliar e script en diferentes proxectos. Ademais actualmente leva a cabo traballos de coordinación e tutoría de talleres de creación audiovisual.

Traballa no guión, dirección e produción de cine e audiovisual. Interésalle o corpo e a palabra, os seus traballos tenden a incorporar poesía, literatura e oralidade á vez que exploran o físico, o animal e a relación coa terra. Formalmente explora a relación entre os formatos dixital e analóxico (Super 8mm e 16mm).